KOHHRAN NEWS

Lairam Isua Krista Baptist Kohhran

* Hospital din champhaphak : Sept. 19, 2014 khi Hospital (LCMC) din champhaphak anih angin Medical Board Committee Meeting vawi 42-na chuan he ni hriatreng nan Hospital-ah hman nise tiin a rel.

*Beirual nei mek : Kumin 2014 Beirual Thuzir ‘Kohhran Hmasawnna’ Rev. V. Suikharliana, Bialtu Pastor Bualpui ‘Ng’ Pastor Bial ziak chu zir mek a ni a, kohhran hoten hma an sawnpui hle tura ngaih a ni.

*Missionary chawm : Sangau - II Local Church-te rawn dil angin Mission Committee vawi 76-na chuan Missionary1 Odisha Field-ah chawm an remtihsak a ni.

*Appendix ziak turte : Kum 2015 Sunday School Zirlai Bua Ni bik-a zirtur Appendix ziak turin heng mi te hi ruat an ni:

                   1) Penticost Ni                                 Rev. Dr. LH. Lalpekhlua

                   2) Easter Sunday                             Rev. Tc. Lalsanghmuna

                   3) Khawvel Sunday School Ni      Rev. A. Vanlaldinpuia

                   4) Palm Sunday                               Nl. B. Lalnunfeli

Evangelical Free Church of India

* KHP Day : KHP (Krizyhpa Hawti Py/ Kristian Naupang Pawl) Day vawi 37-na chu October 2, 2014-ah Local Church tinah hman a ni ang a. thupui atan “Kristian naupang - Lalpa hmantlak” (II Tim. 2:21) tih a ni ang.

*Bial fang    : Mizoram Regional Secretary  Rev. G.B.Niropuia chuan Sept. 7  hmangin  Zokhawthar  EFCI te a tlawh a, Aizawl District chhunga Bialtu Pastor  3  leh Pi Sangteiin an \awiawm a ni. Pi Sangtei hian zaia rawngbawlna a nei bawk a ni.

*Biak In sa :  Kolasib District  chhunga  Kolasib Saidan Kohhran Biak in chu sak \ha\ m>k a ni a. Kolasib District chhungah hian  Kohhran 16  an awm a. Hengte kohhran 16  te  hnenah  hian thawhlawmte khawnin   he Biak in sakna tur hian  District chhunga Local tin ten \an an la tlang a sak zawh  thuai beisei a ni.

*District Choir :  Meghalaya  EFCI  District Choir te chuan hmalakna hmasa atan ni Sept 3 khan  Shillong AIR Station-ah hla pasarih (7) an record a. District Choir hi kum 2015 EFCI Gen. Assembly dawng tur an nihna nena inzawma din a ni a, hun rei lote-ah Album pawh an siam thuai beisei a ni.

Evangelical Church of Maraland

*Mission Field fang :Rev. T. Salaw, ES (Misn)chu ECM Mission Field te fang turin Sept. 12 khan Saiha a chhuahsan. A rualin Upa N. Riako leh Upa A. Khailua te pawh Mission sum audit turin a kal bawk.

*Camping nei : Amotlâh Kohhran ten tunlai hian Rev. K. Beisa Speaker ahmangin Camping chhawng thumna an nei mek.

*Crusade nei dawn: College veng Kohhran Saiha chuan sept. 15 atang hian Thalaite tan Crusade an buatsaih dawn a, Speaker atan Rev. Henry C. Lalenkawla hman a ni ang.

*Kum 10 tling :Lunglei Mara Kohhran chuan Sept. 4 khan kum 10 a lo tling ve ta a, he kum 10 an tlin hi hlim taka lawm niin Rev. P. Riabi, SES chuan a hmanpui a ni.

United Pentecostal Church (NE)

*Executive Board thurel : United Pentecostal Church rorelna sang Executive Board Favang thutkhawm chu September 4 khan General Hqrs. Office Mualpui Salem vengah neih a ni. General Superintendent  Rev. V. L Dika Sailo chuan Executive Board meeting hi a kaihruai a ni. An thurel hrang hrang te :

1. Executive Board thutkhawmah hian Global Council Associate

    Membership rules chungchang

2. General Licence leh Local Licence dilna te

3. District Agenda-Pension scheme siam thar chungchang

4. Political Education Training neih rawtna te

5. District Conference palai neihbelh rawtna te

6. General Conference thudah: Hlamzuih chungchang kaihhruaina,   

    Inneihna dan thianghlim tlinlote tan dan rualkhai siam thu te

7. Pastor-te tana Refresher course-neih dan turte, 8. Kohhran enkawllai

    Fahrah chawmna In ASC Home-Naupang kum 18 tling tawhte enkawl

   dan tur.

*General Mission Board : Sept. 11-12, 2014 chhung hian UPC kohhran Missions rawngbawlna chungchanga rorelna sang General Missions Board chu Arunachal Pradesh hmuna Along-ah neih a ni a, General Missions Department hruaitute; Director Rev. Zohmingthanzama, Secretary Rev. V.L Tluanga Sinate, Treasurer Evan. PC. Lalrokima-te leh District hrang hranga Missions Department hruaitute'n he hun hi an hmang dawn. General Missions Board-ah hian Arunachal Pradesh, Odisha, N. Bengal & Sikkim Missions Field a thawktu dahbelh chungchang te, Thawktute transfer dan tur, Field Sawma pakhat kal dan chungchang, Field Budget chungchang, Kum 2015 Budget tur ruamhmanna, General Missions Department Service Rule- siam chungchangte leh thu pawimawh dang an ngaihtuah ang. General Missions Board-hi General Superintendent Rev. V.L Dika Sailo leh General Seretary Rev. Lalmalsawma Sailo te'n an telpui ang.

*Live Crusade :  PYD, Lunglei District Kumpuan Committee bul tumin, Venglai Biakin-ah 16.Sept.2014 Pathianni hmangin Kumpuan Live Crusade neih a ni a ang. Rev C. Lalrintluanga, Hnahthial Bialtu Pastor chu Speaker tur a ni.

Salvation Army

*Meeting nei : CHAN Community empowerment project hnuaia – Field organiser leh CHAN Staff te chuan Dt.11/09/14 khan  self help group chung chang leh micro credit loan chung changah meeting an nei a, Lt.Col.Lalhmingliana SPA in he Meeting hi a ho a ni.

*Board  meeting : Sept. 11  khan   Territorial Literature Board te chuan Meeting neiin kum 2015-a Puitling leh naupang Bible zirlai tur thlir hon a ni a. 2015 Puitling zirlai tur hi  ‘ Tita, Philemona, Jakoba , hrilhfiahna’ a ni dawn,  Lt.Col.Lalhmingliana SPA in a ziak a ni.

*Rally nei :Sept. 14 khan nileng hian Central South Division huapin Corps Cadet Rally – Aizawl Temple Corps ah neih a ni dawn a. Corps Cadet zirchhuak mi 104 zet te hnenah Graduation Certificate leh Badge of Merit hlanna Commissioner Lalngaihawmi Territorial Commander in a nei ang. TC hian Thianghlimna inkhawmah Pathian thuchah a sawi bawk ang.

*Week of prayer hmang :    Sept .8 – 13 chawlhkar khat chhung hi India Eastern Territory ah Outreach Mission Week atan hman a ni a. Corps/Society hrang hrangah he mi pual hian beihrual neih niin,  Outreach Mission tawngtai hona leh Beihrual zirlai zirho a ni bawk.

Vawiin hi Outreach Mission Sunday a hman a ni dawn bawk a. Aizawl city area a Corps 54 te chu he Sunday pual hian khawpui pawn lamah campaign neiin an kal chhuak a ni.

Baptist Church of Mizoram

*NCCI meeting-ah kal : September 10-14, 2014 a National Council of Churches in India (NCCI) Meeting leh Centenary lawmna ni bawk, Hyderabad-a awm turah kohhran aiawhin Rev. Lalbiaksanga Chinzah chu a kal dawn a. Sept. 9 khan Hyderabad lutin Meeting a attend a ni.

* BYFI hruaitu rawn zin  : Baptist Youth Fellowship of India(BYFI) hruaitu mi pali te chuan September 11-15 chhung hian Mizoram Thalai Kristian Pawl (MTKP) rawn tlawhin BYFI leh MTKP te thawhhona chungchang an sawi ho dawn a. Heng mikhual te hian September 11 khan Serkawn an lo thleng.

* F.Zoramthangi  ral : Sept.  5, 2014 khan August 28, 2014-a Missionary (Retired) Nl.F.Zoramthangi chatuan ram pan ta chu BCM hnuaia thawktu inzawmkhawm, Workers Condolence Scheme (WCS) chuan a chenna In, Lunglawn-ah an ral a. Ralna Inkhawm hi Upa K. Lalremsanga’n a kaihruai a. Rev. B. Lalrinawm’n Thlamuanna thuchah sawiin Rev. Dr.K.Lalrinthanga’n tawngtaisakna a nei a, chhungkaw lam atangin a thusawi ngaihthlak a ni bawk.

* Crusade/Camping :  Heng hmunah te hian Crusade/Camping neih mek a ni -

          Speaker                A hmun

Upa T. Lalengzauva, Revival Team BCM Ramthar Aizawl

P/P Andrew Lalhmachhuana BCM Bazarveng, Lli

Upa R.L. Thianghlima                Zotlang Aizawl

Upa B. Lalthanliana   Edenthar, College veng, Lli

Upa Lalhuliana Chhangte BCM City Church Aizawl

Rev. C. Lalruatthanga      BCM New Secretarit New Complex

Invader For God   BCM Central Church, Aizawl

Lalramzauva Pautu            BCM Tlabung Bazar

Rev. R. Lalchamliana                 BCM Serchhip

Rev. V. Lalthlamuana                  BCM Thingfal

Pu CT Lalruatthanga BCM Dinthar, W. Phaileng

C.Lalphunga                                        Thingkah

Vanlalengmawia Sailo   Sangau & Pangkhua

*Upa Exam result : An kohhran hnuaia kohhran upa exam result chu tihchhuah niin mi 146 in exam an bei a, an vain an passed vek a. An zing ami Pu Ngurkhuma Sailo, Thenzawl erawhin result chhuah hma hian chatuan ram a pan hman a ni. Heng upa exam passed te hi kumin Oct.26 hian Area Baptist Council inkhawmpuiah nemngheh an ni ang.

Roman Catholic

*Bishop programme : Sept. 8-13 chhunga Guwahati-a NE Region Pastoral Conference & Bishops Meeting-ah a tel a, ni 14 khan Parish K<t, Sateek-a neihah a tel bawk. Tun thla ni 16-18 chhunga Evangelization Training, Bishop House-ah a neihpui ang.

Presbyterian Church of India

*Wales-ah zin : September 6 - 25, 2014 chhung hian Rev. Lalzuithanga, Senior Executive Secretary chu PCI Goodwill visit to Wales programme-ah a kal.

*Home Mission tlawh : September 3 - 12, 2014 chhung hian Home Mission South Tlabung Bial School tlawh turin Pu H. Vanlalchhuanga, Supervisor of Schools a kal a. A zin chhung hian Tuichawng, Tlabung, Diblibagh, Tuikawi, Malsury, Putlungasih leh Zawlpui School te a tlawh ang.

*Praise 2014 : KTP member thalai zawkte h$p khawm nan CKTP Committee chuan December 5, 2014-ah Sipai Lammual emaw hmun remchang dangah emaw PRAISE ’14 buatsaih a tum m>k.

*Zaihruai training : Sept. 16-18 chhung hian Zawlpui, Lunglei Dist.-ah Solfa & Zaihruai Training neih a ni dawn a, Resource Person atan Pu Lalromawia, senior Music Instructor hman a ni ang.